البنت زى عربية الإسعاف .. لما تفتح السارينة لازم توسع لها.
البنت زى التليفزيون .. من النادر انه يعرض الحاجة المناسبة في الوقت المناسب.
البنت زى الحكومة .. دايما محتاج معجزة علشان تعرف تغيرها.
البنت زى الطريق الصحراوي .. الغلطة عليه بحادثة.
البنت زى نادي الزمالك .. جمالها في ضعفها.
البنت زى الشتيمة .. بتلف تلف و ترجع لصاحبها.
البنت زى الشتا .. تحب الدفا.
البنت زى الكتاب الحلو .. أول ما تخلصه تبقى عايز ترجع تقراه من الأول تانى.
البنت زى العيد الكبير .. الاتنين ماينفعوش من غير وقفه.
البنت زى المسمار .. الأتنين مايجوش غير بالدق.
البنت زى الجورنال .. تقرأه من ورا لقدام.
الفرق بين البنت زمان والبنت دلوقتى .. هو نفس الفرق بين الجنيه زمان والجنيه دلوقتى.
البنت زى كتب الفلسفة .. كل ما تيجى تدور على إجابة تتورط في أسئلة جديدة.
البنت زى جهاز الكمبيوتر .. ماحدش يعرف هيا بتشتغل ازاى غير اللى عملها.
البنت زى شاحن الموبايل .. معظم الوقت مالوش لازمه، بس فى لحظة بيبقى كله محتاجه
بصوا بقى
انا عايزة اعرف رأى اى وكل حد يدخل الموضوع
متفق مع ايه ومختلف مع ايه ؟؟؟
يا ريييييييييييييييييييت
الجمعة أكتوبر 22, 2010 5:43 pm
