معهد فتيات سيدى بشر الازهرى

منتدى تعليمى للمعهد الازهرى فتيات سيدى بشر
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 بحبــــــــــــــــــــــــك يا مصـــــــــــــــــــــر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نيموو اليكس

avatar

المساهمات : 56
تاريخ التسجيل : 15/10/2010
العمر : 22
الموقع : alex

مُساهمةموضوع: بحبــــــــــــــــــــــــك يا مصـــــــــــــــــــــر   الأربعاء فبراير 09, 2011 5:54 pm

بَحِبِّكْ يا مصرْ ..وبعشقْ ترابكْ .وألِفْ المداينْ ..وأرْجعْ لبابِكْ .وأحِسْ بكيانى ..وكرامتى فْ رحابِكْ .يقولوا فقيره ..يقولوا أسيره ..بشوفِكْ أميره ..وأحبِّكْ يا مصرْ .

بحبِّكْ ملايه .. ومنديلْ بِقُويا .مقالبْ من أختى .. وغتَاته مْنْ أخويا .ودعوه مِنْ أمى .. تنسينى همِّى..وحِكْمَه مْنْ أبويا.وأحبِّكْ صبيِّه .. على البحرْ جايَّه ..فى ساعةْ عصَارى

.ونسمه قُبَالْها .. تطيَّرْ فى شالْها ..تبَيِّنْ جمالها .. وتِرجعْ تدارى .وأحبِّكْ مراكبْ .. تعدِّى إللِّى راكبْ ..وبرْ الأمانْ .يدوبْ جوَّا نيلكْ .. ويعطشْ يجيلكْ ..يقوللِّكْ كمانْ .وأقابلِكْ

ببُوسه .. فى زفِّةْ عروسه ..ولَمَّه فى بيتنا ..مع ولادْ حارتْنا ..تدُقْ المزاهرْ .. ترُدْ المزامرْ ..تزَغْردْ جارتْنا.نهلِّلْ .. نغنى ..وحلمْ التمنِّى ..ينورْ ليليتنا .وأحبِّك زياره لبيتْ عمْ سيدْ

..ده أصله فقير مِشْ حيقْدرْ يعَيِّدْ ..نعَيِّدْ عليه .. نفرَّحْ عنِيهْ ..ويدعيلْنا دعوه بمليونْ جنيه .فى أرضِكْ يحِسْ الغريبْ إنُّه مصرى ..وإحنا الأجانبْ ويلْقَى الرعايهْ .. ويلْقَى الحمايهْ

..على كلْ جانبْ ويمشى ف ربوعِكْ .. ويشبعْ بجوعِكْ ..ويعملْ مصايبْ .ويرحلْ وينسى .. جِميلِكْ ويقْسَى ..ويطْلَعْ يعايبْ .ويرْجعْ تسامْحى .. يا ساكنه فْ ملامحى ..يا سِتْ

الحبايبْ .ولادِكْ بَنُوكى .. بروحْهُمْ فَدُوكى ..ويِشْهدْ عليهمْ ترابكْ فى سينا .ومنهُمْ با عوكى .. عشانْ الشِيروكِى ..

وفيللَّا فْ مارينا .يعيشوا فى خيرِكْ .. ويدُّوهْ لغيركْ ..ولادْ اللَّذِينا .ولوْ جارْ زمانْهمْ .. يعودُوا لْمكانهمْ ..يلاقوا السَكينَهْ .وتِنْسِى جحودْهمْ .. وتبكى عليهمْ ..عنيكى الحزينهْ .

فى أرضكْ سرَحْتْ .. فشَلْتْ ونَجَحْتْ ..وعشْتْ بْبساطَهْ .صاحِبتْ الحمَامْ .. ونِمْتْ فْ سلامْ ..ولوَْ عَ البلاطهْ .تِغَيَّرْ فى شَكلى ..همومى ومشَاكْلى ..لكِنْ روحى لأْ .

أعَبَّرْ بغنْوهْ .. وأقولْ نُكتهْ حلوهْ ..لكِنْ يأسْ لأْ .ما طيقْشْ الغَتاتهْ ..وقلبى المسالمْ ما يعرفْ شّماتهْ ..وأقولْ بالتلاتهْ


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بحبــــــــــــــــــــــــك يا مصـــــــــــــــــــــر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
معهد فتيات سيدى بشر الازهرى :: الفئة الأولى :: احسن ناس-
انتقل الى: