معهد فتيات سيدى بشر الازهرى

منتدى تعليمى للمعهد الازهرى فتيات سيدى بشر
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 هى دى الامتحانات ولا بلاش!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Toka_8
Admin
avatar

المساهمات : 45
تاريخ التسجيل : 12/10/2010
العمر : 23

مُساهمةموضوع: هى دى الامتحانات ولا بلاش!   الثلاثاء أكتوبر 19, 2010 5:27 am

السؤال الأول: التعبير


اكتب ما لايقل عن 650 سطر فى أحد الموضوعات التالية

لم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة



شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز



بعد انتشار ظاهرة أكل لحم الكلاب والحمير..من وجهة نظرك كحمار تكلم عن هذه الظاهرة ومن المتسبب فيها بدون غلط..الورق متراقب


ـــــــــــــــــــــــــ ـــــــــــــــــــــــــ ـــــــ

السؤال الثانى: القصة


من قصة " وعهد الله ما انت داخل الانتخابات" .. اقرأ القطعة وأجب عن الآتى:

(ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟)

الأسئلة:

1-ما هى اللحمة؟ أو على الأقل حدد أقرب معنى خيالى لها


2-مرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت


3-لماذ ضربه الرجل بالجزمة وليس بالعصى مثلا؟؟
(أهو كسل .. لسة هيرفع العصاية؟ - عشان العصاية قلة قيمة برضه واحنا فى عصر الديمقراطية – عشان العصاية شغالة بس مش فى الضرب.. افهم انت بقى) اختر


4-حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا



ـــــــــــــــــــــــــ ـــــــــــــــــــــــــ ــــــــــ

السؤال الثالث القراءة


من موضوع ( الزعيم..والفنان.. والقدوة) اقرأ القطعة وأجب

(وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا الخبر حقيقى كما أنه يرحب بالتوريث ومقتنع بكل سياسات الحكومة)


1-دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟
(أكيد معزوم – طبيعى معزوم – وربنا معزوم).. اختر على أن تضع إيدك على المصحف وانت بتحلف للمراقب بتاع اللجنة


ـــــــــــــــــــــــــ ـــــــــــــــــــــــــ ــــــــــــ

السؤال الرابع النصوص


أجب عن أحد النصين الآتيين

من نص ( ماشربتش من نيلها)..اقرأ ثم أجب

(ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها)



1-بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟

(المسيسبى - الأمازون – يونج يانج)


2-هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..وبوسه من بُقـُّه ورجَّعُه مكانه


3-أكمل الأبيات إلى آخر كحكة فى الكليب

4-قوبل النص بانتقادات بسبب بعده عن الواقع..وضح من النص ما يتفق مع القول المأثور اطبخى ياجارية .. كلف يا سيدى




ـــــــــــــــــــــــــ ـــــــــــــــــــــــــ ـــــــــ

السؤال الخامس النحو


أعرب ما تحته خط.. لو مالقيتش القطعة أصلا ..اتصرف

ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا يابني آدم

كان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده



فُرِضت الضرائب علينا ببشاعة ..أعرب الجملة .. وارفع الضرائب أبوس إيدك

ـــــــــــــــــــــــــ ـــــــــــــــــــــ

السؤال السادس الخط


كوز المحبة انخرم..طرطش على كمى..ياحبيبى بطل جفا وارحم عذاب امى

اكتب الجملة السابقة ثلاث مرات بثلاث خطوط.. موبينيل وفودافون واتصالات..كما يمكن التحويل من خط لخط بنفس الرقم.. فقط اتصل بخدمة العملاء
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://smartschool.3oloum.com
نيموو اليكس

avatar

المساهمات : 56
تاريخ التسجيل : 15/10/2010
العمر : 22
الموقع : alex

مُساهمةموضوع: رد: هى دى الامتحانات ولا بلاش!   الأربعاء أكتوبر 20, 2010 12:29 am

ههههههههههههههههههههههههههههههههههههه
فعلا ... هى دى الامتحانات المثالية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mearo



المساهمات : 8
تاريخ التسجيل : 10/11/2010

مُساهمةموضوع: رد: هى دى الامتحانات ولا بلاش!   الخميس نوفمبر 11, 2010 10:11 pm

هههههههههههههههههه

ايوا هي دي الامتحانات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
هى دى الامتحانات ولا بلاش!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
معهد فتيات سيدى بشر الازهرى :: الفئة الأولى :: خمسه فرفشه-
انتقل الى: